پاکستان عومی تحریک یوتھ ونگ تحصیل جہلم کا تنظیمی اجلاس 25 دسمبر 2016 کو منعقد ہوا جس میں تحریک منہاج القرآن ضلع جہلم کے امیر شاہد بشیر، پاکستان عوامی تحریک کے سینئر رہنما راجہ وحید کیانی اور عوامی تحریک یوتھ ونگ شمالی پنجاب کے جنرل سیکرٹری زین العابدین سمیت عوامی یوتھ ونگ کے کارکنان شریک تھے۔ اجلاس میں پاکستان عوامی یوتھ ونگ تحصیل جہلم کی تنظیم نو کی گئی۔ نومنتخب عہدیدان میں خرم منہاس کو صدر اور حسن محی الدین کو جنرل سیکریٹری کی ذمہ داریاں سونپی گئیں۔ اجلاس میں قائد پاکستان عوامی تحریک ڈاکٹر محمد طاہرالقادری کا تربیتی خطاب بذریعہ پروجیکٹر حاضرین کو سنایا گیا جس میں فکری و نظریاتی اور تربیتی پہلوؤں پر روشنی ڈالی گئی تھی۔ اجلاس کے اختتام پر نومنتخب عہدیداران کی حلف برداری کی گئی۔ نو منتخب عہدیداران نے عہد کیا کہ وہ ڈاکٹر طاہرالقادری کا پیغامِ انقلاب گھر گھر تک پہنچائیں گے تا کہ مصطفوی انقلاب جلد طلوع ہوسکے۔
تبصرہ